Osnovna škola Supetar

Crteži učenika 3. razreda za eko igrokaz

Stip - slideshows

Likovi: nona

             unuka

Nona -   (Sedi,plete.)

Unuka - (Dotrči,mozi se oko none.)

              Nona,nonice moja drogo rec mi čo imo u  onoj tvojoj škrinji na šufitu!                                                                                                                                                                                                                                                               Nona -   Čo imo? Čo imo?

              Imo moja i nonotova roba od vinčanja,

              nonotova lula i naša narodna nošnja.A

              ča to tebe baš sada zanimo moja škrinja?

Unuka - Pa mislila san da u svojoj škrinji imoš

              lutke iz ditinjstva po da ih jo malo

              pokožen svojim prijatejicam.

Nona -   Ma koje lutke iz ditinjstva,ćerce moja.

             (Prestane plest i gledo unuku.)

              Znoš kakve su ti bile moje lutke?!

              Meni bi mater dola storu žlicu,evo

              ovakovu.Onda bi jo od krpice sašila veštu,

              obukla je na žlicu, stavila šudor i to su bile

              moje lutke.

Unuka- A jesi li ti nona volila gledot televiziju kad

              si bilo molo?

Nona – Nison ti jo, dite, imala televiziju!Niko ti ni imo

                   televiziju, ni struje ni bilo kad san jo bila molo.

Unuka- Jadna ti, nona!Nisi imala televiziju.Po kako si

             onda mogla gledot crtiće?

Nona -  Gledola san jo crtiće, gledola, i to puno puti.

Unuka- A kako?

Nona -  Dojdi da ti pokožen!

             (Povede unuku do ponistre.)

             Vidiš li oni tamo oblok?

Unuka- Vidin, e po čo?

Nona -  Na ča ti on sliči?

Unuka – Na …… velu ribu.

Nona -  A oni tamo?

Unuka- Na ….. zeca.Ko Zekoslav Mrkva.

Nona -  A oni gori?

Unuka-  Oni ….. oni ko tica raširenih kril, ko naša

             Hrvatska.

Nona -  Eto vidiš dite kako san jo gledala crtiće. U svakon

             oblačiću se skrivo jedon lik iz crtića.

Unuka- Imoš pravo, nona!Eno i Teletubiesa i Pokemona.

             A pogledoj onega medu kako sviro gitoru!

             Baš ko iz priče Tri medvida i gitora!A vidi onega              

             tamo vuka kako leži zatvoren u kapunjeru.Neka,

             tako mu i tribo kad je izi Crvenkapicu!

             (Zanila se unuka.)

Nona -  Eto, sad možeš gledot crtiće i dok se igoš u

             u perivoju i dok greš u skulu i kad greš u butigu.

             Nego, gremo mi ipak pogledot televiziju.Sutra je

             proznik – Dan Neovisnosti Republike Hrvatske,

             sigurno će bit svečano prestava,volin čut himnu

             Lipo naša!

Unuka- Gremo nona!Ti gledoj televiziju,a jo gren gledot

             crtiće u oblocima.